AvtoCheck Haqqında

AvtoCheck.az haqqında

AvtoCheck.az Çin avtomobilləri üçün ehtiyat hissələri sahəsində ixtisaslaşmış platformadır. Məqsədimiz sürücülərə lazım olan detalı sadəcə adına görə yox, avtomobilin modeli, buraxılış ili, komplektasiyası və uyğunluq göstəricilərinə əsasən düzgün seçməkdə kömək etməkdir.

2014-cü ildən gələn ehtiyat hissələri təcrübəsi

2014-cü ildən avtomobil ehtiyat hissələri sahəsində fəaliyyət göstərən komandamız əvvəlcə Çin istehsalı olan, lakin Avropa, Koreya və digər tanınmış brendlərə məxsus avtomobillərin ehtiyat hissələri üzrə təcrübə qazanıb. Azərbaycan bazarında Çin avtomobillərinə maraq artdıqca bu təcrübəni BYD, Changan, Geely, Chery, Haval, GAC, Jetour, Omoda, Exeed və digər Çin markalarının ehtiyat hissələri istiqamətində daha da dərinləşdirdik.

Düzgün detal seçimi niyə vacibdir?

AvtoCheck.az-da əsas yanaşma uyğunluq yoxlanışıdır. Eyni modelin müxtəlif bazar versiyalarında bamper, fara, krilo, resotka, güzgü, xadavoy hissələri, akkumulyator, elektron modul və digər detallar fərqli ola bilər. Buna görə müştərinin axtardığı hissəni yerli danışıqda işlənən adlarla da anlayırıq: zapcast, bamper, krilo, fara, ablisovka, rulevoy, amartizator, kalodka, karobka və digər terminlər.

Orijinal, analog və sifarişlə ehtiyat hissələri

Biz orijinal, keyfiyyətli analog və sifarişlə gətirilən ehtiyat hissələri üzrə praktiki seçim təqdim edirik. Əsas məqsəd müştəriyə sadəcə detal satmaq yox, avtomobilinə həqiqətən uyğun olan hissəni tapmaqdır. Bunun üçün marka, model, il, detal adı, şəkil, VIN və ya detal kodu əsasında dəqiqləşdirmə aparılır.

Çin avtomobillərinə real yanaşma

AvtoCheck.az Azərbaycan bazarında Çin avtomobillərinə münasibətin daha real və ədalətli formalaşmasını da önəmsəyir. Müasir Çin avtomobilləri sadəcə ucuz alternativ kimi yox, texnologiya, elektrik və hibrid sistemləri, təhlükəsizlik və dizayn baxımından ciddi inkişaf etmiş avtomobil seqmenti kimi qiymətləndirilməlidir.

AvtoCheck.az sizə necə kömək edir?

AvtoCheck.az-a müraciət edən sürücü ehtiyat hissəsini kor-koranə axtarmır. O, uyğunluğu yoxlanılmış, bazar dilində düzgün adlandırılmış və sifariş imkanı dəqiqləşdirilmiş detal haqqında məlumat alır.